Kapiteni i Liverpoolit, Virgil van Dijk u paraqit në një intervistë për “Times Sport” dhe foli për dashurinë e madhe që ka për “The Reds”.

Futbollisti i Holandës tha se Liverpoolin e do shumë dhe se e sheh vetën në “Anfield” edhe për tri-katër vjet.

“E dua këtë klub, i dua tifozët, ata më duan mua. Sipas meje, unë mund të luaj edhe për tri apo katër vjet në këto nivele të larta”, ka thënë holandezi.

“Do shohim se çfarë na sjellë e ardhmja”, u përgjigj Van Dijk.

Van Dijk është 33-vjeçar dhe gjatë këtij gjysmë-sezoni me Liverpoolin ka shënuar një gol dhe ka bërë një asist në 16 ndeshje në Premier League.