Presidenti i Ferrarit, John Elkann, foli për sezonin aktual të Formula 1 në takimin e aksionarëve në Amsterdam. Ai përsëriti ambiciet dhe dëshirën e tij për t’u rikthyer në konkurrencë për të dy titujt botërorë.

“Te Ferrari, ne e dimë që gara do të thotë gjithashtu të mësosh dhe të përparosh. Pas një sezoni që nuk i përmbushi ambiciet tona, në vitin 2026 kemi filluar një kampionat të ri me rregullore të reja”, tha Elkann.

Më tej, kreu i “kokëkuqes” shtoi: “Do t’i qasemi me unitet dhe vendosmëri, të përqendruar në punën e nevojshme për t’u rikthyer më të fortë se më parë. Shpirti ynë sportiv vazhdon të rritet”.

“Viti 2025 ishte një sezon i paharrueshëm për sa i përket besueshmërisë dhe qëndrueshmërisë, ndaj duhet të shfrytëzojmë çdo hap të bërë, çdo mësim për të përparuar në të ardhmen”, deklaroi Elkann.