Ott Tanak testoi në fshehtësi makinën e re të Toyota Gazoo Racing për sezonin 2027, dhe kjo ndodhi tashmë në Kroaci. Për disa kjo ishte surprizë, për të tjerë jo, kampioni i botës në rally i vitit 2019 u rikthye pas timonit të një makine zyrtare të ekipit.
Në sfond të Croatia Rally 2026, Tänak testoi modelin e ri të Toyota-s. Kujtojmë se ai u tërhoq nga FIA World Rally Championship dhe nga Hyundai Motorsport në fund të sezonit 2025. Megjithatë, njohësit e rally-t e dinë se një pilot i këtij niveli vështirë se qëndron larg garave për shumë kohë.
Toyota e ka angazhuar atë në zhvillimin e makinës së re, ndërsa ende nuk ka konfirmim zyrtar nëse estonezi 38-vjeçar do të rikthehet si pilot garues në sezonin e ri – edhe pse kjo nuk do të ishte befasi.
Tanak deklaroi për DirtFish se e njeh mirë strukturën e ekipit Toyota dhe është i kënaqur që është sërish pjesë e projektit. Ai shtoi se u kontaktua nga ekipi pak para Rally-t të Kroacisë.
Dita e parë e testimeve ishte intensive, me shumë kohë në timon, ndërsa ditën pasuese ai realizoi një program të plotë testimi. Makina deri tani ka përshkuar një numër të konsiderueshëm kilometrash, si në terren me zhavorr ashtu edhe në asfalt.
