Formula 1 po përgatitet të modifikojë mënyrën se si makinat do të përdorin energjinë elektrike në një përpjekje për t’i bërë kualifikueset më dinamike dhe për të zvogëluar rrezikun e përplasjeve me shpejtësi të lartë gjatë parakalimeve. Ndryshime që do të aplikohen në garën e ardhshme në Majami.
FIA, organi drejtues i Formula 1, tha se ndryshimet u ranë dakord në një takim me ekipet e F1 dhe prodhuesit e motorëve pas konsultimit me pilotët. Theksi i shtuar në shtytjen hibride-elektrike ka shkaktuar një reagim të ashpër nga disa pilotë, të cilët besojnë se kualifikimet përqendrohen shumë në karikimin strategjik të baterisë dhe jo mjaftueshëm në testimin e aftësive të drejtimit.
Kjo paketë ndryshimesh përfshin karikimin më të shpejtë me shpejtësi të lartë dhe zvogëlon sasinë maksimale të energjisë që mund të karikohet për xhiro.
“Objektivi kryesor është të zvogëlojë konsumin e tepërt të energjisë dhe të inkurajojë drejtimin më të qëndrueshëm dhe me gaz të plotë“, tha FIA në një deklaratë.
“Këto masa janë hartuar për të zvogëluar shpejtësitë e tepërta të afrimit duke ruajtur mundësitë e parakalimit dhe karakteristikat e përgjithshme të performancës“, tha FIA. Këto masa, së bashku me modifikimet e sigurisë nga shiu, do të jenë gati për Çmimin e Madh të Majamit më 3 maj.
Ndryshime të tjera për të zvogëluar rrezikun e aksidenteve në start do të testohen në Majemi, duke përfshirë një nxitje për makinat që nisen ngadalë dhe një paralajmërim vizual.
FIA njoftoi një kufizim në fuqinë shtesë të dhënë nga modaliteti “boost” për parakalimet dhe kufizime të tjera në energjinë elektrike në zona të caktuara.
