Francezi Sebastien Ogier me Toyota fitoi rallinë në Ishujt Kanarie, gara e pestë e Kampionatit Botëror WRC 2026. Kjo ishte fitorja e tij e parë këtë sezon dhe e 68-ta në karrierë. Pas tij u renditën Elfyn Evans, Sami Pajari dhe Takamoto Katsuta, duke konfirmuar dominimin e Toyota-s.
“Rallia ishte e vështirë, por në fund ishte më e rëndësishme të isha më i shpejti. Nuk u ndjeva në panik dhe mbajta ritmin tim”, tha Ogier, duke shtuar se makina ishte e shkëlqyer dhe gara shumë e këndshme.
Evans përfundoi i dyti me 19.9 sekonda vonesë dhe mori kryesimin në renditjen e përgjithshme. “Nisëm keq dhe humbëm shansin për fitore, por Ogier e meritoi”, u shpreh ai.
Toyota mund të kishte zënë pesë vendet e para nëse Oliver Solberg nuk do të gabonte në etapën parafundit, kur doli nga pista duke ndjekur Ogier. I pesti u rendit Adrien Fourmaux (Hyundai), si piloti i parë jashtë Toyota-s.
Job done ✅#WRC | #RallyIslasCanarias 🇪🇸 pic.twitter.com/1lA5pmI9zO
— FIA World Rally Championship (@OfficialWRC) April 26, 2026
Pas pesë garave, Evans kryeson me 101 pikë, para Katsuta dhe Pajari, ndërsa Ogier është i gjashti.
Gara e radhës zhvillohet në Portugali nga 7 deri më 10 maj.
