Dalja e parë e pilotëve të klasës mbretërore në pistën e Barcelonës u shënua nga rrëzimi i Jorge Martin.
Sa i përket kohëve të regjistruara në seancën e parë stërvitore, situata ishte kjo:
Xhiron më të shpejtë e realizoi Alex Marquez në fund të stërvitjes – 1:39.950.
Koha e Jorge Martin para rrëzimit mjaftoi për vendin e dytë, ndërsa i treti ishte Fabio Di Giannantonio, përpara Pedro Acosta dhe Marco Bezzecchi.
Enea Bastianini ishte i gjashti, Fermin Aldeguer i shtati, ndërsa në dhjetëshen më të mirë u renditën edhe Jack Miller, Franco Morbidelli dhe Johann Zarco.
I vetmi pilot i ekipit zyrtar Ducati në këtë garë, pasi nuk ka zëvendësim për Marc Marquez, Francesco Bagnaia pati kohën e 17-të (+0.940).
Në mes të stërvitjes, piloti i Aprilia, Jorge Martin, doli nga pista, por fatmirësisht kaloi pa lëndime, megjithëse u duk pak i tronditur pas përplasjes me mbrojtësen në kthesën e 12-të.
Para rrëzimit, ai kishte realizuar kohën 1:40.299, që deri në fund ishte koha më e mirë e stërvitjes së lirë. Më vonë ai u rikthye për provat e nisjes, çka tregon se nuk kishte pësuar dëmtime serioze.
Turn 2 is not proving to be friendly to the KTMs as @bradbinder_33 goes down too 🫢#CatalanGP 🏁 pic.twitter.com/k0YP32t7VG
— MotoGP™🏁 (@MotoGP) May 15, 2026
Një dalje më serioze nga pista pati edhe Pedro Acosta, por edhe ai shpëtoi pa lëndime.
