Sebastien Ogier është shprehur i gatshëm ta mirëpresë Max Verstappen në një test me makinë të Kampionatit Botëror të Rally-t, nëse kampioni katër herë i Formula 1 dëshiron të provojë këtë disiplinë.

Nëntë herë kampioni i botës në rally ndoqi garën 24 Orët e Nurburgringut, ku Verstappen luftoi për fitore me Mercedes AMG GT3. Pas garës, Ogier e përgëzoi holandezin në rrjetet sociale dhe me shaka i sugjeroi të provonte rally-n, ndërsa Verstappen iu përgjigj: “Ti si mësues?”.

Verstappen është prej kohësh fans i rally-t dhe vitin e kaluar provoi Ford Fiesta WRC të Ogier në një pistë. Megjithatë, ai ka deklaruar se nuk planifikon të garojë seriozisht në rally për shkak të rrezikut të lartë.

Ogier tha se oferta e tij ishte serioze: “Nëse Max dëshiron të vijë për një test, do të jem i lumtur ta mirëpres”.

Ndërkohë, francezi është i fokusuar te Rally Japan, ku synon rikthimin te fitorja pas zhgënjimit në Portugali.