Pas spekulimeve për tërheqje, Marc Marquez do të vazhdojë në MotoGP edhe për sezonet 2027 dhe 2028. Kampioni nëntë herë bote ka nënshkruar tashmë vazhdimin e kontratës me Ducati Lenovo Team, megjithëse marrëveshja ende nuk është bërë zyrtare.

Ai do të garojë në një ekip me Pedro Acosta, i cili pritet të transferohet nga KTM në fund të sezonit. Marquez nuk ka kundërshtuar këtë lëvizje, duke hedhur poshtë zërat se ndikon në përzgjedhjen e shokëve të skuadrës.

Ndërkohë, gara e radhës zhvillohet në Jerez, ku Marquez synon fitoren e parë të sezonit, ndërsa në renditje kryeson Marco Bezzecchi.