Gazetari Nicolo Schira raporton se Vinicius Junior është afër të nënshkruajë një zgjatje kontrate me Real Madrid.

Me kontratën aktuale që i skadon vitin e ardhshëm, anësori brazilian pritet të firmosë një marrëveshje të re dhe të përmirësuar, e cila do ta mbajë në klub deri në vitin 2031.

Sezoni i tij ka qenë mjaft produktiv, pasi ai ka realizuar 17 gola dhe ka dhënë 13 asiste në të gjitha garat, përfshirë edhe dy golat e shënuar në ndeshjen ndaj Atletico Madrid fundjavën e kaluar.

Ndërkohë, presidenti i klubit madrilen, Florentino Perez, ka qenë vazhdimisht i vendosur për ta mbajtur lojtarin në skuadër, duke e konsideruar një pjesë kyçe të projektit të ardhshëm./AutoPortali